الناس فى بلادنا نوعين نوع بياكل التركى و نوع بيطفح الكوته علشان يجيب لقمه العيش وكلهم من عباد الله
نوع من الحلوين و نوع من المطحونين المذلولين
كان نفسى اقول حاجة حلوة لكن مش لاقى الحلو علشان الواحد يتكلم عليه و يقول ايه و على راى الاغنيه الشهيره اعاتبك على اية ولا اية ولا اية الاخبار متلاحقة و كلها زى الزفت
اولها عمل محافظتين جديدتين ال يعنى مصر ناقصه محافظات الواحد يفهم ان التقسيم الادارى للمحافظة يختلف بضم مدن من واحدة الى اخرى لمراعاة البعد الاجتماعى و لتخفيف الحمل على محافظة دون الاخرى و وتغير الظهير الصحراوى ( ماتقلوش ظهير للمنتخب المصرى فى تصفيات كاس العالم ) لبعض المحافظات و لكن ان تنشأ محافظة جديدة يكون من شأنها تشتيت الناس و زيادة اعبائهم اليومية فهذا حرام فأنشاء محافظة حلوان سوف تؤدى الى كارثة حقيقية لن يشعر بها الناس قاطنى حلوان الان و لكن بمرور الزمن سوف يتحقق ما اقول و هو ليس بكارث على سكان حلوان و لكن على كل المناطق التى سوف تنضم الى تلك المحافظة الجديدة المنكوبة مثل القاهرة الجديدة و ماتحتويه من مناطق سكنية مترامية الاطراف و المعادى القديمة و الجديدة فتصوروا ان جميع الخدمات اليومية من مرور و كهرباء و مياة و بنوك اسكان لدفع الايجار كلها متجمعة فى منطقة القطاميه و التى تبعد عن اى منطقة من المناطق المذكورة من خمسة الى ربع ساعه على الاكثر الان سوف تذهب الى منطقة حلوان التى تبعد مش اقل من 20 كيلو اهذا هو التخطيط انا عايز اعرف مين العبقرى الفذ الذى لم تلدة ام من قبل و الذى فكر فى هذه الافكار الجهنمية مش كفاية اللى الناس فيها من متاعب لازم تزيد من قرفهم ولا المحافظ الجديد صاحبة وعايز يسكنه فى وظيفة عليا فقام بانشاء تلك المحافظة لسيادته على مقاسه و الله ما انا عارف الناس دى بتفكر ازاى ولا عايزة تعمل اية فينا ربنا يهدى الحكومة الى مافية خراب البلاد و العباد وبعدين اليس انشاءمحافظتين بكامل هيئتها اليس عبأ على كاهل الدولة من مصروفات و ميزنيات جديدة كانت من شأنها تغطية العجز فى الموازنة لتلبية احتياجات الشعب فى الفترة القادمة من الاقتصاد المنهار مش عارف يمكن انا مجنون و السادة الوزراء هما العقلين لانهم بيعتبروا الشعب المصرى فى كا جى وان و ليس عندة ادراك كافى لتفهم المواقف و لسه بيلبس البامبرز طب مش كانوا سابوا الفلوس و اشتروا بيها بمبرز علشان الشعب ما يغرقش نفسه بدل ما يعلوا البنزين و يعلو الضغط عندنا
و من الاخبار الجميلة ايضا انشاء المحاكم الاقتصادية للتعمية و المداراة علىكبارات البلد من رجال اعمال قاموا و يقوموا كل يوم بسرقة الشعب الغلبان طب محنا سكتين و مش بنتكلم و كل حاجة حلوة و محدش بيقول حاجة على احكام القضاء العادل النزية و اخرها براءة الدكتور هانى سرور قاتل الشعب باكياس الدم الملوثة و جميع القرائن ضدة لكن نقول اية سيادة القاضى شايف غير كدة اللهم لااعتراض على اى شىء اعتقد ليس هناك داعى لمحكمة اقتصادية لاننا وضعين الصرمة القديمه فى فمنا ولا نتكلم او نعترض على اى شىء و ربنا يجعله عادل
و اخيرا وليس اخر 17مليار جنية مصرى من حصيلة الخصخصة تايهه يا ولاد الحلال و وزير المالية المفتخر عمنا بطرس غالى و هو ليس بغالى مش عارف راحم فين يمكن امى هى اللى تعرف راحوا فين دة مش كلامى دة كلام اعضاءمجلس الشعب اللى حولوا الامر الى جهاز المشتشار المحترم جودت الملط اللى حسة اتنبح عن الفساد والمفسدين و ودن من طين و ودن من عجين و اثبت صحة كلامهم و جابوا عمنا بطرس و سائلوة قال مش عارف راحوا فين حد يجيب منادى و ينادى على الفلوس يمكن حد من ولاد الحلال يلاقيهم و يرجعهم لامهم مصر و صباحة توهان بالالوان الطبيعية
انا بدعوا الشعب المصرى فى صلاة الفجر يدعوا لسيادتة ان يوفقة فى ايجاد الفلوس و ان لم يجدها فارجوا ان يقف الشعب المصرى 17 مليار دقيقه حداد على المرحومة الفلوس و يخرب بيت ام اللى يزعل الحكومة و يسائلها عن مكان الفلوس دة مبلغ صغير الواحد عقبال مايدخل السوبر مالركت و يجيب رغفين فينو فرنساوى و كيلو جبنة برميزان و كيلو زيتون كلاماتا اسبانى على فرخة فيها انفلونزا يكون ال17 مليار خلصوا و باقى منهم عشرة جنية ربنا يخللنا الحكومة و تضيع كمان وكمان مش 17 بل 117 مليار هى فلوس ابونا دى فلوسهم و هم حرين فيها يودوها مترح ما يحبوا انشالله يجيبوا بيها لبان و بمب و يفرقعوة
على فكرة لو حد شاف تمثلية قضية رأى عام و اللى حصل ليسرا فى التمثلية حيعرف ان اللى حصلها دة مش اغتصاب دة لعب عيال اللى بيحصل فى الشعب المصرى هو دة الاغتصاب عن حق ربنا و بدون فيجرا و ربنا يقويهم كمان و كمان
اليومين دول الناس ماشية فى الشارع بتقول العلاوة تاهت ياولاد !!!!!!!!!!!!!!!!!!!!!!!!!!! اصل الحكومة الغير رشيدة و سياستها العظيمة ماشية بمبدىء الكحكة فى ايد اليتيم عجبة مثل عجايب الدنيا السبع و احنا عندنا العجيبة الثامنة و التاسعة و العاشرة وزى ما تحب تعد عد احنا عندنا حكومة المعجزات و العجائب هى حكومة الدكتور احمد النظيف تصوروا بعد ما اقر سيادته الرئيس بالعلاوة بعد ما احس يسادتة بمعاناة الشعب المصرى من ارتفاع الاسعار افاقت الحكومة و الجهبز بطرس غالى من النوم تانى يوم ووجدت ان مصر فى حاجة فعليهة فى شوية اجراءات اعادة الهيكلة للاصلاح الاقتصادى اللى لازم ينصلح حالة بقى اليومين دول بالذات وهو من ايام عبد الناصر رحمة الله عليه و هما بيحولوا يعدلوه لكن رجالات الثورة اخدوا كل شىء و النعمة بدأت تظهر على احفادهم الان من شقى و تعب اهليهم فى لم خيرات البلد اللى الملك و اسرة محمد على كانوا سيبنها و لكن رجال الثورة بيعملوا للاجيال القادمة ليس من الشعب المصرى و لكن من اولادهم و احفادهم فقط و للان لم يعدل الاقتصاد و ان الاوان ان يتم الاصلاح و لابد من الشعب ان يجوع و يسكت حتى يتم الانتهاء من الاصلاح ما تقلش بيصلحوا بنطلون عند الترزى و مش عايز ينصلح حالة مثل الابن العاق الغير شرعى فقد قامت تلك الحكومة بمجهودات جبارة فى التفكير فى حلول غير تقليدية فى يوم و ليلة ال يعنى ما كنتش مسبقة و تفتقت القريحة البطرسية ببعض الأجرءات التعسفية لالحاق الازى مع سبق الاصرار و الترصد بالشعب الغلبان و المساعده فى تضخم الثروات للسادة الكبار المتحكمين فى الاقتصاد المصرى حتى يستطيعوا شراء ما يحتاجوه من مستلزمات من السوق العالمى بعد ارتفاع الاسعار الرهيب فى الاسواق العالمية واللى لم ياخذة الشعب الغلبان حتى الان باليمين هما اخذوة مسبقا بالشمال و ذلك بحجة توفير موارد حقيقية للعلاوة طب ماتردوا ال 17 مليار اللى اختفت بقدرة قادر و هى تسد العجز فى الموازنة او سدوا ال 214 مليار اللى اخذتوهم من اموال المعاشات و لم ترد حتى الان و هى تسدد ديون مصر مع العلاوة حاجة تجنن يخدوا فلوس الناس و يطلبوهم بسدادها الطف بالشعب المصرى يارحمن يا رحيم و بلاش يلطف بالحكومة جبلها لطف من نوع اخر و يجعلة ازلال و يجبلهم زلال فى البول ياكريم علشان الكلى تفوت و نخلص بقى انا عايز اسأل سؤال و ارجو من الدكتور بطرس ما يزعلش هو انت مسيحى و لا يهودى دة اليهود ما يفكروش التفكير الجهنمى دى
و على رأى سعد زغلول رحمة الله علية و على امثالة من الشرفاء فقط من الشعب المصرى
مافيش فايدة
و عشمونى بالحلق خرمت انا ودانى لودنى طابت و لا الحلق جانى
و عشمونى بالعلاوة قلت يافرحتى يانى
اهى جت العلاوة خدت اللى وراى و قدامى
قالوا القمر فى السما وايش دلدله على الحيط
قال نزلت اشوف الناس فى مصر لقتهم بيكلوا الغيط
